THREE STARS AND THE SUN

Napanood ko last week ang “Captain America” (movie), at isa sa kapansin-pansin ay ang suot niyang costume: pula, asul at puti na may kasama pang star sa dibdib, lahat makikita mo sa kanilang “American flag”. Simbolo siya ng katapangan at tagapagtanggol ng kanilang bansa. Kahit si Superman kung titingnan mo nandoon din sa kanyang costume ang asul at pulang kulay na makikita mo din sa watawat ng mga Kano. Kung makikita mo ang ibang mga bansa meron ka din ilang mapapansin na “superheroes” na sumunod din sa yapak nila katulad ni:

Vindicator (Canada)

Union Jack (Britain)

Batal (Syria)

Sunfire (Japan)

Sabra (Israel)

Collective man (China)

Red guardian (Russia)

Dito sa Pilipinas kung Superhero lang din ang pag-uusapan. Walang hindi nakakakilala kay Panday, Captain Barbell at Darna. Yun nga lang wala sa kanila ang masasabi nating sumunod sa color motif ng ating watawat, siguro higit sa pagsusuot ng makukulay na damit, mas binigyan halaga na lang nila ang pagiging simpleng superhero at kung ano ang kaya nilang gawin.

Mahilig akong magbasa ng komiks simula pagkabata, partikular ang mga komiks na may superhero at supervillain na naglalaban. Isa sa napaka-interesanteng nakita ko ay may mga pinoy artist na palang gumagawa ng mga superhero na may symbolic figures ng watawat natin sa kanilang costume. Halimbawa:

Salakay

Kalayaan

Three Star and The Sun

Kalasag

Kapitan Bandila

Sandata

Servant

Mga simpleng independent producer lang ang may hawak sa kanila. Masyadong maliit kung ikukumpara sa gumawa ng Superman at Captain America, pero nakatutuwang isipin na meron din palang mga artist na gumagawa ng mga ganitong may "tatak pinoy"....